في الدرس اللي فات كتبنا hello world في نفس السطر . لو عايزين نكتب hello في سطر و world في سطر هانكتب مابينهم n\ 

ولو هانعمل تاب t\

وندوس compile و run

أنواع الـ variables :

int : ( أرقام صحيحة ) ودا نوعين short - long

float : ( أرقام عشرية ) مقربة لرقم عشري واحد

double : ( أرقام عشرية ) مقربة لأكتر من رقم عشري واحد

char : ( حروف ) A B C  أو a b c

symbol : ( رموز ) + , - , * , $ , &

Boolean : true or false 

%d لو int

%f لو float

%c لو char

نسيبنا من النظري وندخل ع العملي :

احنا دلقوقتي هانعمل برنامج يطلب رقمين من الـ user ويجمعهم ويكتب الناتج .. هانكتب الآتي :

#include <stdio.h>

#include <conio.h> 

int main(void)

{

int x;

int y;

int sum;

printf("Enter your number :");

scanf("%d", &x);

scanf("%d", &y);

sum = x + y;

printf("the sum is :%d", sum);

getch();

}

 أول سطر استدعينا stdio.h علشان أمر printf و scanf

وبعدين فتحنا الـ main زي ما قولنا قبل كدا أي برنامج بيبدأ بـ main الدالة الأساسية أما الـ int اللي في الأول معناها ان الدالة هاترجعلنا integer رقم وهانتكلم عن int و void في الدروس الجاية

بعد كدا int x حجزنا جزء من الميموري سميناه x وحددناله نوع int يعني بقول للكمبيوتر أنا عاوزك تحجزلي مكان في الميموري سميهولي x وهاحط فيه أرقام

وبعدين حجزنا جزء تاني سميناه y وبرضو من نوع integer

وحجزنا جزء تالت سميناه sum وحددنا نوعه integer

بعد كدا قولتله اطبعلي الجملة دي زي ما هي Enter your number  .. حطيتها جوا  ("")

scanf معناها استقبل معلوماتك من الـ user المعلومات دي نوعها integer عشان كدا كتبت d% جوة "" وبعدين , بعد كدا حددتله المكان اللي هايخزن فيها البيانات اللي خدها من الـ user كتبت & قبل x عشان البيانات من ال user لو من البرنامج هكتب x من غير &

نفس الكلام مع y

وبعدين sum = x + y بقوله اجمعلي اللي جوة x على اللي جوة y وحطلي الناتج جوة sum

آخر سطر قولتله اطبعلي الجملة دي the sum is وبعدين اطبعلي اللي جو sum واللي نوعه integer عشان كدا كتبت d%

بعد كدا compile وبعدين run والناتج زي اللي في الصورة دي